R.2
Leger
B
Chapir texts da diever
1
Las scolaras ed ils scolars san prender ora infurmaziuns da texts da diever.
renviaments
R.2.B.1
Las scolaras ed ils scolars ...
1
a
- san leger e chapeschan simpels pictograms da lur vita da mintgadi.
- chapeschan simpels fatgs ed instrucziuns visualisads en maletgs.
- san raquintar tge ch'els han vis ed emprendì en las medias (p. ex. emissiun d'uffants, film, gieu per emprender).
b
- chapeschan frasas curtas tar ina tematica cun sustegn da maletgs u cun agid.
- san leger e chapeschan pleds impurtants dal tema tractà.
c
- san metter en relaziun maletgs e text en texts da diever che cuntegnan maletgs.
- disponan d'avunda perseveranza per chattar infurmaziuns en texts bain structurads davart temas ch'als interesseschan.
- chapeschan en general in simpel text da diever cun agid da dumondas intenziunadas e san prender ora infurmaziuns impurtantas.
d
- san cun instrucziun scuvrir la biblioteca sco lieu per procurar lectura ed infurmaziun.
- san prender ora infurmaziuns essenzialas ed explicitas da curts texts da diever survesaivels, structurads (p. ex. cun titels ed alineas) ed illustrads.
2
e
- san survegnir ina survista da texts da diever survesaivels che cuntegnan fotografias ed illustraziuns.
- san nizzegiar maletgs per chapir il text.
- san activar l'atgna presavida e l'aspectativa dal lectur cun agid dad atgnas dumondas e dumondas dadas.
- san marcar cun agid en curts texts da diever quai che n'è betg cler e quai ch'è impurtant.
f
- san identifitgar la structura d'in text e chattar infurmaziuns explicitas.
- chapeschan globalmain in text pli curt e structurà a moda survesaivla era sch'els na chapeschan betg singuls pleds.
- san cun agid da dumondas intenziunadas eruir infurmaziuns implicitas, ma evidentas e metter en relaziun maletgs e text.
- san cun dumondas eruir la muntada da pleds nunenconuschents u chapir cun instrucziun singuls pleds cun meds auxiliars adattads (p. ex. vocabulari, cudesch da diever, internet) per uschia engrondir lur stgazi da pleds.
- chapeschan texts da diever adattads a lur vegliadetgna.
g
- san cun agid prender ora infurmaziuns da graficas survesaivlas, diagrams e tabellas.
- san procurar per texts da diever entaifer ina retschertga (p. ex. en l'internet, en la biblioteca) e nizzegiar cun agid da dumondas directivas quellas infurmaziuns per ulteriuras lavurs (p. ex. referat).
- san lavurar cun infurmaziuns da differents texts da diever (p. ex. crear mind-maps, glistas da chavazzins, radi da dumbers).
3
h
- san nizzegiar la purschida d'ina biblioteca e dumandar independentamain per sustegn, sch'i fa da basegn (p. ex. per la tscherna da professiun).
- san prender ora infurmaziuns essenzialas da texts da diever senza fil cotschen per engrondir lur savida enaquella ch'els mettan era en relaziun text e maletgs (p. ex. artitgel da l'internet, instrucziun).
- chapeschan in text structurà a moda survesaivla globalmain e san colliar elements centrals dal cuntegn cun l'agen mund (p. ex. artitgel d'ina revista da giuvenils).
- san s'orientar en texts pli lungs senza fil cotschen.
- san eruir la muntada da pleds nunenconuschents or dal context dal text cun sustegn u cun meds auxiliars adattads (p. ex. vocabulari, cudesch da diever, internet) e san uschia cumplettar lur stgazi da pleds receptiv.
- san lavurar cun infurmaziuns da differents texts da diever (p. ex. glista da chavazzins, mind-map, radi da dumbers).
- chapeschan texts pli cumplexs adattads a lur vegliadetgna.
i
- san furmar ina atgna opiniun davart constataziuns e valurs or da texts e la preschentar.
- san metter en dumonda texts da diever cunzunt or da l'internet pertutgant lur confidenza.
- Impressum
- Agid
- Davart il Plan d'instrucziun 21
- La CDEP-T
- Plan d'instrucziun 21 · 29.2.2016